ليك الشكر .....نصار

ليك الشكر نصار
علي قولة حباب
في شان المتلك ضي نهار
نتشرف وكتين يطل بي جاي

آخ انا منك يا بلد
شن السوا واحنا ولاد قبايل
من الخمش البقي زي كش الولد
والكبار قالوا البحدث عمرو مو سواي

شن السوا مع ناس ياك
البترعشو من ضل الضحي
ويقولو يومك تم .... احرس الجاك
وهم يتزاوغو ... مرعوبين من الحاحاي

وحات خوتك يا خو البنية
الزينا لا بندس ولابخاف لوم
ولا بتسلط مبيت نية
ولا بتضاري يجبر خاتر العوعاي

كنا عبنا فيك يا بلد السواد
وحرمن علينا بنات الرجال
لا بنلم قريب ولا نشوف بعاد
ولا بنعزي عشان. تسترنا دموع بكاي