الطول زمانها
شموخة
قالت سلام ....
قلنا حبابو سلام ....
حبابو..... وداد تحية صبوحة
تهب لهب ... جمر وقاد
الليلة فرحنا مولع عاد
متني ومتلت...... وطابق بوخة
السماح...يا ست ملام
.يابت جعل
البلد بلد السواد
الدنياها دوام
شيمة بحر بتاكل العوام
ما كنا راجين الاشارة
بس دحين
عشان ما نسويهو كلام
وكتين تدوري
محل ما تدوري
وكيف ما تدوري
نجيك نصابق الريح
لا بحجزنا منام
ولا بنقعد نستريح
ولابنهاب الحابس الدرب
ينتر وينهر
زي السمعوهو كلام
يا ام وجيها صبيح ومنسم
الما بزورك
و المابدورك
البدي الجنة
اصلو ما اداهو
شاحد مولاي عليهو
لا لي روحو
ولا لي جناهو
لا ينول مرادو
ولا يتعشم
No comments:
Post a Comment