ووسموهو بالدكتور
قلنا ..ها ناس !
العلم يا ما فيهو بحور
غواصو لا بكل ولا بيمل
ولا بدور ليهو شهاده
يكوس بيها قرشا يفك الريق
ها ناس... انور وليدنا عليم الله
شفنا الفهم عندو قنطارو بالشيكارة
لا راجلا بقيف متخازل ولا بتضاري
إرادة المولي ونصيبو
البقسم في ارزاقو الرفع والذله
ادي الشطارة ليك يا انور
المن جهلك ما اتشكيت من ضيق
النجابه فوق جبين انور أشارة
من بدري ما دايرين ليها وريقة
في شان نتباشر في الحله بيها بشاره
الدكتره الخايله فيك يا انور
مابدقوها صاغة يرصعوها للفخران
حرارة قلب انور جرتقا سوميت
انور الاسد المحربس الصادق الصديق
No comments:
Post a Comment