قدلة الدكترة

       

قدلة مقدرة عند ست الدكترة ************مهرا اصيل فات السواري

موقده  في الحشا نارا دفينة**********برقة جبينا زي القمر السماوي

وقتين تسلم ووقتين تكلم *************ووكتين تتلفت  تتقعد  تكاوي  

عيوني العاشقين الما بتقاوم  ********   تتسلط تشابب تجرليهم بلاوي

ضربات قلوب وسهر ليالي *********وجسوما تولع بس نار المكاوي

سمحة زينة ام طبعا رزينة  **********   خلقا كتيرعاشق ليها  غاوي

بدس في الكلام و بكتم في الغرام *******اصلوا الاماني ما بتجيبها الحكاوي

السماحة البينة  زي شمس الهجير ******والزوق واللطافة ما بحتاجن غناوي

انا المساني ضر طابق الجمر********مرضا حاوي طب ما بطبو البداوي

الشافتني قالت كر شيتو مر******** اماني قليبو بركانا انفجر يزاوي

الروح خاتفا صقرا غلبوالصبر  ********طار اتحكرفي قبة شيخ الزهاوي